日前，記者把由善長捐贈的頸巾、手襪和冷帽轉送給獨居沙田瀝源邨的余婆婆，她喜孜孜地說：「多謝大家咁有心！新界區氣溫比較低，加上我屋企向西北，冬天特別大風，夜晚要關晒啲窗瞓，日頭就算着多兩件衫啲手腳都凍冰冰，𠵱家有頸巾手襪保暖，重有冷帽戴，我就唔使坐響屋企都成日覺得凍。」
年屆八十五歲的余婆婆，丈夫早死，膝下無兒，晚年靠微薄綜援金度日，生活孤苦。她娓娓道出身世：「我喺幾十年前，日本打中國嗰陣，跟啲同鄉由廣東中山走難落嚟香港，和平之後結婚，但未夠三十歲，老公就死咗，直到𠵱家都得自己一個孤伶伶。我一直喺工廠車衫做到六十幾歲，對眼睇嘢唔清楚至退休，之後靠綜援生活。」
中風後雙腳活動難
白髮蒼蒼的余婆婆，早前中風後雙腳活動困難，須依賴枴杖助行，平日甚少外出。「呢兩年我連樓下老人中心都少去，冇乜娛樂。𠵱家你哋嚟探我，又送啲咁實用嘅禮物畀我，我真係要講多幾句多謝！」余婆婆喜與到訪的記者及社工傾訴，臨別時還連番道謝。
另一位獨居長者曾婆婆，體弱多病，在港無親無故，晚年生活捉襟見肘。「我後生嗰陣打住家工，有僱主包食包住，退休後要靠綜援交租同食飯。我有心臟病、慢性甲狀腺炎同氣管病，一到冬天就好容易傷風感冒，食中藥身體至舒服啲，每個月都用唔少錢睇中醫，要響其他方面慳得就慳，買一斤菜食幾餐，已經成十年冇買新衫新褲；張棉被係好多年前慈善機構送畀我嘅，我就冇錢買囉！」年屆八十三歲的曾婆婆歎謂。
轉送善長捐贈棉被
有見曾婆婆僅靠一張殘舊棉被驅寒，蘋果基金已安排轉送由善長捐贈的全新棉被給她。
讀者可透過捐款或捐贈禦寒物資，支持蘋果基金「送暖行動」，讓更多貧困弱老受惠。「送暖行動」捐款編號：A890
暖流熱線
電話:29908688
傳真:23702192
電郵:[email protected]
網址：