啱啱話行會口水三人組前途無限，噚日就傳出范鴻齡會接替「因健康問題」唔再做公職嘅李業廣，出任積金局主席，睇實我哋供咗幾年嗰千幾億，等大家將來老有所養，唔使攞綜援。
噚日《南華早報》報道，話李業廣在積金局個主席位明年約滿，但佢可能會提早退，等范鴻齡接班。至於盛傳係李業廣囊中物嘅證監主席位，就會分畀鄭慕智。相對於證監，做積金局主席一定冇咁辛苦，亦冇咁多利益衝突，唔使辭咗中信泰富份工，范鴻齡兼埋都冇所謂，榮太子應該會放人，等佢邁上青雲路。
八方一直都唔明李業廣點解忽然唔做公職，佢哮喘啫，又唔係有乜大病。而佢一郁，成個金融領導班子馬上變晒，涉及嘅利益極大，究竟發生咗乜事，真係要查一查。

傳真︰2623-9278
電郵︰[email protected]