【23:47更新】港鐵回應

港鐵車廂塌天花壓傷兩名乘客！晚上8時許，讀者阿輝由紅磡站乘港鐵東鐵綫回家，當列車開行30秒後，車廂上的天花板突然塌下，壓住下方一名男乘客及女童，「個女仔嘅媽咪即刻嗌咗句『有冇搞錯呀，成塊板冧落嚟都得嘅』，之後附近嘅乘客即刻抆返起塊板，而我就按緊急掣通知車長」。他指當列車駛進旺角東站時，便有兩名港鐵職員上車查看情況，問傷者是否需要召白車，「個男乘客就冇落車，亦都冇追究，不過個細路女就同個媽咪喺九龍塘站落咗車」。

阿輝向《蘋果》表示，該名被防火板壓住的男乘客其後向他展示額頭的傷勢，「冇流血嘅佢，不過就起咗個瘤囉，又紅又腫」，又稱事後立即向老婆報平安，「好彩坐另一邊，執返身彩無事…港鐵年年加價，service又差，仲要咁多事故，如果有得揀都真係寧願搭巴士呀」。

港鐵事後就事件回覆《蘋果》，指晚上8時55分，一列由紅磡開出的東鐵綫列車，在開往旺角東站的途中，有乘客按動緊急通話器，車務控制中心立即安排職員在旺角東站上車協助。港鐵職員上車後，見到一名女童鼻流血，而同行的母親隨即告知職員，稱列車車廂內一塊天花板組件跌下，壓傷女童。港鐵職員隨即召救護車到九龍塘站，將女童送院治理。另外，為安全起見，車務控制中心安排列車上的乘客於大埔墟站落車，轉乘下一班列車繼續行程，而涉事的列車亦已返回車廠進行檢查，會詳細調查事件原因。對於今次受事件影響的乘客，特別是受傷的女童表示深切歉意，事後已安排職員到醫院探望，了解她的傷勢。

想睇最新消息？　即時follow【現場－蘋果突發】 fb！ http://fb.com/applecitycrime