無綫新聞部力捧靚女做主播，中大新聞與傳播學院嘅《大學線》聯同港台搵咗港大民意研究計劃做調查，訪問咗千幾人，結果發現七成人唔記得讀新聞個主播係乜水，而喺一成七有留意主播姓名嘅人當中，最多人記得趙海珠（圖），佔百分之四點一；其次係報體育新聞嘅伍晃榮，佔百分之三點三；而排第三位嘅係已離開無綫嘅魏綺珊，頭十位中只有一個係亞視主播，重要係已去咗領匯打工嘅繆美詩。
而一般市民對主播要求，首重咬字清晰佔四成三，前無綫新聞部總監羅燦話，其實觀眾對男女主播都係睇樣貌，因此新聞都算係一種表演行業。

傳真︰2623-9278
電郵︰[email protected]