【子健講馬】上仗外檔都贏 今場內檔點輸?

蘋果日報 2016/11/29 21:00

子健講馬超好玩

跑馬地賽事,獨特性來自常由同一批馬鬥來鬥去,今期也不例外,有些馬跑得密仍再辣操,可視為異動,間接反映馬房對體力有信心,二場「搖錢樹」、五場「飛馬再威」、七場「達羅素」密跑下還試大閘,動態值得關注!
重心場次第六場三班1200米,「超好玩」上仗以為外檔難跑,怎料無馬搶,埋到二叠兼慢步速,結果頂到尾爆冷贏,相隔三周再跑,休息期大致足夠,周一朝草地跳,感覺與祈普敦確好合拍,排三檔搶到欄機會好大,若外檔有馬搶,令其有遮擋,再贏機會頗大。
同場「好益善」谷草場地偏淋,對其應有好無壞,賽前有試谷閘,始決定報今場,反映仍有誠意。「威風霸皇」狀態與上次一樣鬼火咁靚,重返三班有二檔,會繼續揀。「幸運日」斷纜兩場,未肯定是否受外檔影響,小休一個月,轉谷草換郭能,抽一檔也具變數。「勁飛勁」十月中曾停操兩周,埋門逼得幾緊要,總算趕起,但馬比馬,卻始終蝕一點。「肥仔」周一朝草地跳,不及早前銳。「驍武」近兩仗所勝對手與今場無得比。