橫台山新村村民指出，新編門牌次序混亂，兩間相鄰房屋，不被編配相鄰號碼，郵差派信也大感懊惱。除了一般來往信件外，由政府部門寄出的帳單亦經常遺失。
經常郵遞失誤
居於橫台山新村已三十多年的黃伯直言：「真係好亂」。黃伯說，自前年更改門牌開始，便經常出現郵遞失誤。「好彩有一個郵差派開我哋呢條村好多年，大家都好熟，佢會認到我哋而去派番畀大家；但輪到其他郵差當值，就無咁好彩喇！」
村民李小姐稱，門牌更改後水務署依然將信件寄往舊址；及後她向水務署查詢才得悉，原來水務署一直未有接獲重新編配門牌通知，職員聲稱，因未有收過正式文件，故只允更改「郵寄地址」，而不會更改村民之「登記地址」。
事前全無諮詢
「事前根本無諮詢，失驚無神插張紙仔到你門口話呢間改咗門牌，但又無原因，最離奇係重新排過後重亂過以前，完全唔順序，一號喺東、二號會喺西。啲部門又唔協調，你有你改，佢有佢照舊！」
李小姐質疑為何橫台山新村與橫台山散村之英文譯名完全相同，致郵遞上常出現混亂及失誤。