卿姐噚日喺立法會辯論時，公開邀請近來人氣急升嘅田北俊參加直選，田少當堂打個突，睇個樣似乎唔係太受落。
其實，喺卿姐發言之前，劉千石同田少講咗呢樣嘢，重話做佢嘅經理人。田少當然不甘示弱，立即大番阿石，話要同佢一齊參選。阿石言之鑿鑿咁話冇問題，田少排第一，佢排第二，一於簽約作實。
阿石去到咁盡，難怪佢哋傾到哈哈大笑。阿石事後同八方講，如果田少真係出嚟選，真係有商量，雖然田少係商界中人，佢自己代表勞工權益，但萬事有商量，政綱咪慢慢傾囉，最緊要田少呢啲咁醒嘅人，可以出嚟參選，推動一下全面普選。


E-mail：[email protected]