冷膽穿雲箭:撐阿積士5:1剝「牙」 - 牽牛

蘋果日報 2009/03/08 00:00


今期又同畢傑兄攜手合作,佢老哥捉冷嘢好有心得,搞到我都有啲壓力;唔想衰畀佢睇,今次搵愛隊之一阿積士,揀佢大炒海牙5:1呢個波膽,嚇一嚇畢傑先。
阿積士上仗輕取烏德勒支,取得3連勝,雖然周中歐協盃要作客馬賽,但今仗對手只是下游的海牙,可以放心剝「牙」;該隊首席前鋒蘇亞雷斯仍要停賽,施安迪莊、米歇爾當奴、加比等因傷缺陣,不過入球機器施維坦歷治已復出,蘇利馬尼、維頓漢等均大勇。而且阿積士好似食硬海牙咁,近6次交手取得5勝1和,作客亦有大勝4:1紀錄,今次貪心啲,博阿積士贏5:1呢個40倍波膽。
貝迪斯神經刀博「客/和」
貝迪斯呢支西甲神經刀,雖然近期表現平平,但半場總有「驚喜」;之前曾上半場領先過巴塞隆拿,又作客輸過畀皇馬1:6。今次作客馬略卡,隨時又有驚喜,半場領先,不過我認同畢傑兄,呢場似和波格,博半全場「客/和」,有15倍。但西維爾對艾美利亞,我就同畢傑有分歧;西維爾剛於西班牙盃出局,加上今季餘下目標只餘聯賽,面對艾美利亞,唔信畢傑推介嘅小勝,當然艾美利亞有尼格度,此子入波有保證,相信會大手交易,博主隊贏4:2,有50倍波膽。文:牽牛