飛哥立會一鋪清場，全香港人都有疑問：究竟香港點解會淪落成咁──唔做擦鞋仔，就冇晒生存空間。有政界中人話，皆因香港朝裏冇人為港人講說話，以前懂得珍惜香港，愛護香港嘅好官都死嘅死，退嘅退，𠵱家掌權嘅都慌你特區唔死，你話港人係咪要重整策略，喺中央加強游說工作，唔好搞到胡溫聽埋一面。
飛哥辭人大，喺領導面前為港人講話嘅人又少一個，八方問阿飛有冇轉機？佢話一定唔會食回頭草，人大唔做，《茶杯》亦唔做。
飛哥以前一度喺北京失去自由，八三年，中英談判香港前途期間，有一次中方請佢上京密談，話有訊息要Pass畀英方知，既然係秘密上京，佢要求唔好住喺人來人往嘅北京飯店，所以大陸就安排佢入住一間私人別墅兩日，阿飛話嗰度環境好好，但後來就被人傳佢被中方幽禁雙規，準備審查，其實係誤會。嘩，大飛連共黨嘅「階下囚」都做過，飽經憂患，個樣唔怪得愈來愈似李光耀喎。


傳真︰2623-9278
電郵︰[email protected]