近排喜事多，繼田北俊嫁女後，又到陸觀豪娶老婆。不過，陸觀豪好低調，通知啲老友時講明一切從簡，並懇辭賀禮，如果要送就送現金捐做善事，當然更冇大排筵席。
婚禮前日上晝十點在大會堂舉行，到場有利國偉夫人、鄭海泉、莫偉健等恒生嘅人，行家有彭玉榮、陳棋昌、伍步謙等，政界則見李家祥、梁智鴻、鄭慕智、張建東、葉錫安……新郎哥同新娘真係幾「從簡」，男嘅西裝，女嘅米色套裝，並冇着禮服。
陸觀豪係恒生常務董事兼副行政總裁，是利國偉外甥；七三年在港大統計學系畢業後即做銀行，九二至九五年間獲委為立法局議員。新娘子Judy名王慧敏，以前在大通卡做，大通卡被渣打收購之後，過檔渣打。佢哋已相識多時，現在做埋個手續，聽講新娘子已經去咗加拿大，而新郎就繼續返工。


E-mail：[email protected]