羅霖、陳煒、秦漢及黃浩然前晚為亞視新劇《乘勝追擊》進行拍攝，劇中羅霖慘被江湖人物點錯相，誤當她是陳煒而被綁架，黃浩然見狀即英雄救美，羅霖感動得伏在他身上哭泣。

朋友讚演技
另外，有份參演電影《新紮師妹》的黃浩然，得知電影票房不俗，即開心地表示：「呢套電影係我從影以嚟，最搞笑嘅角色，雖然戲分唔多，但電影嘅口碑同票房成績都好好，同埋好多朋友都讚我演技好出色，所以都已經好開心。」