經濟局局長李淑儀一向氣定神閒，但噚日在立法會經濟事務委員會上就好扯火，班議員猛咁質疑機管局權力無限擴大會變獨立王國，李局長一味話要追求商機同靈活性，唔想幾個月就嚟一次「垃圾會」要議員放權。唔知係咪衝口而出，李局長真係將立法會講成「垃圾會」，班議員有乜辦法唔㷫。咁嘅環境，機管局「衝出赤鱲角，連結珠三角」嘅大計，怕且有排都傾唔掂。
其實，李局長應該提供多啲資料，話畀班尊貴議員全世界都冇機場條例好似香港咁戇居，限死機管局只可以做島主，隔離有金都唔可以執，再比較吓類似條例係點寫，就唔使嘥咗個半鐘頭嚟搵交嗌。


E-mail：[email protected]