當年今日

剪鐵絲網偷入營地遭驅趕
Cookies歌迷:咪當我哋係狗

蘋果日報 2002/09/19 00:00


九人女子組合Cookies連日來在烏溪沙青年新村趕拍新片《九個女仔一隻鬼》,Cookies的fans前晚竟剪爛營地鐵絲網入內看她們拍戲,保安報警求助,fans大罵Cookies說:「我哋日日嚟撐場,佢當我哋狗咁喝走。」
九人女子組合Cookies近日忙於在沙田烏溪沙青年新村拍攝新戲《九個女仔一隻鬼》,有十多名fans連日來冒雨在營外守候Cookies。前晚約七時多,fans們竟分批於多個不同地方潛入營內,更將鐵絲網圍欄剪爛,爬入營內混入臨記當中,欣賞偶像拍戲。

日日撐場
到晚上九時許,保安發現即報警求助,警方十時多到場了解,登記fans資料後,再驅趕他們出營。
被驅趕的Cookies歌迷不忿地大罵偶像,其中一名女fans怒斥說:「我哋日日嚟撐場,佢哋竟然報警趕我哋走,我哋落雨同八號風球都等佢哋十幾粒鐘,竟然當我哋係狗咁喝走,鐵絲網唔係我哋整爛㗎,報咗警我哋點返工呀?」
Cookies所屬唱片公司EMI的莫小姐前晚回應說:「我哋唔想影響Cookies嘅工作情緒,所以冇話畀佢哋知,件事交咗畀警方處理,希望啲fans以正常途徑支持,唔好毀壞公物。」

無需賠償
《九》片監製雷宇揚前晚接受訪問說:「Fans鍾意偶像都要畀空間啲藝人工作,我哋重有幾日戲要拍,營地冇話要賠償,但我哋覺得好唔好意思。」雷宇揚表示當日有份演出的陳冠希於下午四時多已收工離去,Shine當日又未有戲份,雷宇揚說:「陳冠希嘅歌迷通常只係等佢走,送完禮物簽完名就好乖咁離開。」
採訪:馮美茵 
攝影:陳慧安