【爆相爆片】岑寶兒於17年前選港姐入行，因經常遊魂發夢被改花名「阿夢」，雖然落選卻獲曾志偉欽點加入《宇宙無敵獎門人》節目，3年前跟桌球室太子爺莫如迪閃婚後逃離娛樂圈，現年38歲的阿夢已升呢做媽咪，日前一家三口現身康怡的百貨公司玩具部，被讀者Alice透過「爆相爆片」分享他們的家庭樂。

「好似魂頭唔喺度」

Alice在電話表示：「見到佢同先生陪囡囡玩，佢好似未瞓醒，射咗幾吓籃，全程都係吽吽哣哣，好搞笑，我同老公講佢好似係阿夢，老公話係咩？冇化妝差咁遠，我哋同佢揮手，佢都冇反應，好似魂頭唔喺度！」之後記者致電阿夢，她大叫：「我冇化妝喎！好殘喎！真係警惕我點都要化少少妝出街，我諗有兩歲小朋友嘅媽咪都係咁上下，冇時間處理自己，要專注喺小朋友身上。」
雖然做了人母，但阿夢舉止依然魂遊太虛，她坦言：「因為我仲餵緊人奶，我個女成日夜晚驚醒，我就要餵人奶，佢唔瞓我又冇得瞓。初初係我想佢食全人奶，諗住到一歲畀奶粉，但佢唔食，到𠵱家都戒唔甩，所以我長期喺佢身邊，但我覺得值得，佢頭一歲都冇病過，第一次睇醫生係出牙仔。」

「先生想我唔做嘢」

阿夢很享受湊女的生活，未想過復出，她說：「其實先生想我暫時唔好做嘢，湊到個女三歲，自己都覺得應該，有時睇番佢嘅相片，真係時光飛逝，自己好珍惜同佢一齊。?￥ﾮﾶ多個小朋友，成個家庭係和諧嘅。有啲人話：『你就嘆啦，淨係湊女。』好多在職媽咪覺得少奶奶好舒服，其實唔係，我都覺得做嘢好，有放工有假期，自己覺得做全職媽咪係幾偉大，我都接受。」
採訪：皓騫