劉德華及反町隆史前晚及昨午，續在東京為主演的電影《全職殺手》出席首映及記者會。會上反町不停被傳媒追問他的太太菜菜子是否懷有BB，但反町卻僅以笑容回應。華仔則撐反町說：「夠有人話我有個女啦，話之嘛，我生埋㖭呀！」
記者蔡如育東京直擊

劉德華及反町隆史日前已開始在日本為電影《全職殺手》進行連串宣傳活動，昨日二人在銀座區下榻的酒店中舉行記者會，吸引來自各地逾百傳媒到場。其中日本傳媒一開腔便追問反町有關其太太菜菜子懷孕的傳聞，但反町卻不置可否，只保持微笑未有作答，及後由司儀替反町解圍，不准傳媒發問私人問題。

主動談感情事
該名日本記者接着又舉手欲向華仔提問，司儀即禁止他再發問，但華仔卻以廣東話透過繙譯說：「畀佢問，唔緊要啦，我都冇太太。」
事後華仔被問到知否反町快做父親一事時，他即撐反町說：「夠有人話我有個女啦，話之嘛，幾咁閒，話佢有咗（指反町太太），我生埋㖭呀。嗰陣有人話我細佬個女係我個女，有人重走去學校，問我細佬個女佢個老竇係咪姓劉，咁就梗係姓劉啦。」
此外，華仔前晚在川琦一戲院內，出席《全》片首映，吸引大批fans到場，其間華仔更與日本fans玩遊戲，一名操國語的日本fans形容華仔是「電影圈長青樹」，不過現年四十二歲的華仔卻拒絕認老，他對fans笑說：「下次唔好咁形容我！」而他還多次強調「我很年輕」。
及後fans又不停追問華仔的感情事，如問他戀愛次數多不多？華仔說：「多㗎，我又靚仔又有錢。」再問他喜歡怎樣的女友？他即說：「係女人就得㗎啦。」

叫Fans教日文
華仔又稱自己一直喜歡日本女星小泉今日子，現在也沒改變，因他很專一，提到會否在日本拍戲，華仔即發功冧fans說：「日文對白好難講，教日文嘅老師係男人又冇興趣，女人會好啲，不如你哋教我呀！」