冇見大家兩個星期，黑盤王出現好多變化，9支球隊加入黑盤王行列；當中里昂同些路廸兩支聯賽冠軍入伍，真係令人估唔到。
里昂同些路廸，其實早在2、3月，已經差不多篤定分別成為法甲同蘇超冠軍；球員冇咩鬥志，最慘係佢哋實力強勁，讓又讓得多，波又贏唔到，卒之搞到變為黑盤王。上周小弟同戰友畢傑都「領咗嘢」，一心以為里昂主場開捧盃派對，可以轟轟烈烈大勝一場，唔單止買「主勝」，重掃埋5:0、5:1、主其他等大勝波膽，結果僅勝勒芒2:1，海外讓到一球/球半要輸半格，我哋就輸到直晒。

贏埋即上岸

今周里昂就作客巴黎聖日耳門，講真里昂連派對都開埋，球員個心已經去咗度假，仲邊有鬥志；而且賽前傳出，里昂有意搵前法國國家隊隊長廸甘斯，從祖記過檔執教，同球員關係已經唔多好嘅現任教練侯利亞，更加冇癮啦；聖日耳門重有些微降班威脅，贏埋今場就夠數上岸，鬥志不成疑問，一於聖日耳門單W出擊！
文：牽牛

今周災星：里昂

推介
主客和：星期六32
巴黎聖日耳門勝（2.55倍）