吳君如印度探訪瘦5磅

蘋果日報 2010/06/17 06:00


吳君如昨日以奧比斯兒童大使身份,往尖沙嘴出席宣傳活動,提到早前往印度探訪五日,她說:「比想像中辛苦,自己又冇打預防針,又驚當地嘅食水食物唔乾淨,所以幾乎冇食當地嘅嘢,主要食自己帶去嘅乾糧,連隨行嘅醫生都講笑話原來啲明星真係唔食嘢,所以瘦咗5磅返嚟,不過醫生都提我哋千祈唔好飲用當地嘅水,冲凉時都唔好擘大口。」
君如又指到過電影《一百萬零一夜》嘅貧民窟參觀,她說:「真係好震撼,成地都係老鼠、米田共(糞便),啲細路仔又唔着鞋通街走。」
君如又透露將囡囡是之的零用錢加利是錢共六位數字捐給奧比斯,她說:「香港地啲小朋友物質真係太豐富啦,試過同個女參加一個小朋友生日派對,個小朋友竟然嫌個生日蛋糕唔夠大㖭。」
採訪:EddieWong 攝影:ChenWaiOn