臨近年尾，韓國電視台、樂壇都會舉行頒獎禮為今年作總結，而多個頒獎禮嘅主持人名單亦陸續曝光。

據韓媒報道指，《第33屆金唱片頒獎禮》將於下月5號、6號舉行嘅，而5號舉行「音源部門」頒獎禮將由韓劇《金秘書為何那樣》人氣女星朴敏英夥拍男星李昇基擔任主持人，今次係朴敏英首度任金唱片嘅主持人，李昇基就係連續兩年獲選為主持人。至於6號舉行「唱片部門」頒獎禮就由女星姜素拉及男歌手成始景擔任主持人，今年亦係兩人第三度合作。

至於《SBS演技大賞》將於今年除夕夜舉行，將由知名主持人申東燁夥拍韓劇《我的黃金光輝人生》女星申惠善擔任主持人，而《MBC演藝大賞》將於本月29號舉行，天團BIGBANG成員勝利、女團Girl's Day成員惠利及主持人全炫茂就會擔任是次頒獎禮嘅主持人。

精選韓流，喺晒《娛果》
http://fb.com/appledailyent