金季桔浸得唔好嘥
到了明日新十五，也是處理年桔的時候了。喺四季桔未凋謝前將佢剪落嚟浸鹹柑桔，唔浪費之餘，重好有實用價值，鹹柑桔用途廣，喉嚨唔妥、聲沙喉痛，沖番杯鹹柑桔水飲，即時有所改善，經濟而又好使好用㗎！
記者：陳冰麗
攝影：楊錦文
材料及用具：
四季桔 1斤
粗鹽 適量
密實玻璃瓶 1個
保鮮紙 少許
醒目小貼士：
1.摘桔最好用鉸剪，以剪刀貼近桔蒂位置剪較佳，避免弄破桔皮。
2.浸桔前要將桔洗淨及去蒂，並以滾水淥洗以去除表面蠟質。
3.浸桔前亦要抹乾水分，避免受潮。
浸桔要訣：
1)賀年桔有好多種，包括有龍膽桔、柑桔、朱砂桔、四季桔，要浸鹹柑桔就必要用四季桔，味道及療效都最好。
2)四季桔同龍膽桔近似，揀時要留意，四季桔係扁圓形，龍膽桔則係上窄下闊，似一個縮水沙田柚。
3)青綠嘅四季桔因為尚未離蒂，要摘較難，最好用果皮鮮橙色按上手實淨而有彈性嘅四季桔去醃浸。表面呈皺紋過熟嘅四季桔而果肉腍身，浸的過程水易變壞。
鹹柑桔療效：
以一粒鹹柑桔沖水飲，有治療喉嚨痛作用。如怕太鹹或太酸，可加入適量砂糖或蜜糖拌勻飲用。