畢竟是全國最早開發的特區，深圳當然有不少少數民族在此聚居，還開設一些極具少數民族色彩嘅店舖。如屬雲南少數民族之一嘅納西族，憑着擁有別具一格嘅東巴文化及文字，加上佢哋又崇拜人體，令其精品飾物更添一種豔色，令人刮目相看。此外，雲南苗族服飾均以人工縫製，彩色斑斕之服飾製作逾兩年，難怪物以罕為貴。

記者：梁煒健　攝影：陳盛臣、黃子偉
ImageGirl：Amy

東巴象形文字彩碟
由雲南納西族聚居地帶返深圳發售嘅擺設彩碟，色彩鮮豔奪目，碟上便刻有東巴象形文字。碟身以白楊木雕琢而成，不易損毀。

東巴象形文字掛布
屬於納西族創世紀圖案嘅掛布，共有8款，布料以麻質做成，Size有20吋長、11吋闊。其實東巴文字係一種原始象形文字，約有2,000個字符，乃納西東巴教巫師用嚟書寫時採用。其象形文字嘅木石標記，係現時世界上唯一保留完整嘅象形文字。

蠟染手巾熱賣
蠟染係少數民族嘅手工藝之一，而雲南苗族嘅出色蠟染手巾，更成店中最好賣嘅貨品之一。手巾Size約有14吋×14吋，圖案及色澤均非常耀目。

東 地址：深圳巿華發北路銅鑼灣廣場流行總站163號舖
電話：（86755）3327456
營業時間：早上10:00至晚上10:00
交通：從羅湖關口前往，乘的士約10分鐘，車費約?22。

蠟染龍圖民族衫栩栩如生
雖以蠟染工序印製而成，但兩條龍弄得栩栩如生。雖然採用麻質布料，但一點也不覺粗糙。

人工縫製染布手挽袋
兩個手挽袋遠睇非常普通，但原來亦以人手製造。首先將布匹染色，之後就將布匹以手摺角縫製成一個個細小嘅三角形皺紋圖案，非常考功夫。尺寸約有9吋高12吋闊，手挽以竹製成，耐用兼美觀。

彩雲之南
地址：深圳巿華發北路銅鑼灣廣場C座首層123-131號舖
電話：（86755）3326745
營業時間：早上10:00至晚上10:00
交通：從羅湖關口前往，乘的士約10分鐘，車費約?22。