阿董睇波時同記者講開，話情人節一家人在粉嶺別墅食飯，但就冇食他喜愛的牛排，因為要減肥，又自爆九七時選舉要跑來跑去拜票，瘦了八磅，今次形式唔同咗，半磅也沒有減。
八方感歎形式冇唔同，都係小圈子，今次的圈子重由四百人增到八百人，唯一不同的是冇人同佢爭。上次要求人就可以四圍跑，今次贏硬就同民主派話：「個個叫我都去，咪好唔得閒！」咁現實的嘴臉，難怪想減肥都好難。
雖然減肥無望，但阿董都有值得開心的時刻，就是今次他在英國的母校──利物浦大學校長來探望他，還帶來「神奇小子」奧雲的十號紅色球衣，上面簽滿利物浦球員的簽名，呢份禮物真係恨死隔籬。


E-mail：[email protected]