周六英超早場話題十足，由倒戈的普捷天奴領熱刺訪修咸頓。雖然修頓今役有雲耶馬停賽，但加斯安奴柏利重拾射門鞋，加上要力爭歐霸盃席位，有力擊敗近況反覆的熱刺。「讓球」修咸頓讓平/半，上盤可期。

雖然熱刺與修咸頓今季一度有力爭前四踢歐聯，但之後兩隊都無以為繼，目前分排第六、七位，相信兩隊都會轉移目標改為爭歐霸盃席位。人腳方面，修咸頓今役有雲耶馬停賽，但新星禾特普斯料會復任正選，配合主力如舒尼達連及重拾射門鞋的加斯安奴柏利，於主場三連勝的修頓可以秤先。

畢竟，修頓一班舊將今役面對前帥普捷天奴，一定加多幾錢肉緊。熱刺雖有哈利卡尼入球停不了，但球隊近況反覆，加上球隊作客表現不及主場，近七場作客僅得三勝一和三負，今役就算受讓，亦不宜高估。
至於目前排尾二的昆士柏流浪（QPR），他們一向靠主場搶分，適逢今役來訪的韋斯咸近況亦頹，近12場只得一勝四和七負，而且今役對中游的韋斯咸來說基本上是例行公事，故有前鋒查理柯士甸壓陣的QPR只讓平/半，宜捧上盤。
文：吾中

識睇，一定係睇足英台【英波Live】：
http://soccer.appledaily.com
http://bit.ly/engballlive