7.1大遊行後民主派人氣急升，氣勢直迫九七回歸前嗰陣，據聞民主派中人已思量如何乘勝追擊，要喺明年立法會選舉攞多幾席，前綫何秀蘭未雨綢繆，已埋班準備出戰年底嘅區議會選舉，據聞戰場已選定灣仔區，望一舉擊破左派勢力，解放灣仔。
灣仔區議會有十一個民選議席，其中兩席屬民主黨，一席為黃英琦，據講何秀蘭會組成一支八人隊伍，搶攻餘下由民建聯及親政府地區人士佔據嘅八席，其他有興趣參選者包括新婦女協進會嘅成員、大學講師同專業人士。
知情人士話以聯盟形式參選，希望可贏到四至五席，連同民主黨同黃英琦就合共有八席，隨時成為區議會多數派，到時就可以解放灣仔區，成為「市議會」執政黨！
（圖）憑住贏得立法會議席嘅經驗，何秀蘭會組成一支八人隊伍，搶攻灣仔區議會嘅左派席位。



傳真︰2623-9278
電郵︰[email protected]