當年今日

蝦頭索啲?
子珊唔續約大台發福現雙下巴

蘋果日報 2015/11/27 00:00


睇《My盛Lady》,徐子珊同楊詩敏(蝦頭),傻傻分不清,比徐子珊vs欣宜更加難分。

蝦頭呢期積極瘦身變索,更加難分,今日,呢對twins現身到中環出席新款手機推出發佈會,即場擺甫士拍攝……嗚呀,約滿大台後嘅子珊可能忙於修讀珠寶設計課程,疏忽咗keep fit,雙下巴綻放,嗚呀……。形容自己係蝦條嘅蝦頭就話用三個幾月減咗35磅,依家110磅至120磅左右——中間都有10磅走盞喎!

徐子珊話自己大台後,自由得多,早前忙完演唱會,足足休息了一星期 ,佢話:「好似擔完泥咁辛苦,呢個星期都喺屋企,有人打電話嚟傾演唱會做巡迴,但未定,有錢賺當然有興趣,時間可以遷就。」

至於未來去向,徐子珊好輕鬆話:「都未定㗎,依家自由身幾個月,仲揀緊,忙緊珠寶設計先,想試啲唔同嘢。」似乎對娛樂事業方面放下鬥心,徐子珊直言:「回下氣先啦,等2016再努力,自己冇諗期限,現時都有幾份合約在手,慢慢睇。」