近日熱門的香港同大陸自由貿易協議，大家都有種印象，是香港向大陸方面攞着數，原來香港總商會總裁翁以登有完全不同的看法。昨天在一個中國民營企業論壇，翁總裁講到總商會正研究有關自由貿易協議的問題，其中一樣就是看在這個互動的協議中，香港有乜嘢着數可以畀北京。
當記者對香港的本錢表示懷疑時，翁總裁即刻反應好大，話坐在中南海的領導人唔係小商人，唔會同香港計「我畀你一蚊，係咪收番九毫」。翁總裁又話國家領導人搞呢個自由貿易協議，重會想「證明中國是世貿頭等成員」。
他見八方有點摸不着頭腦，就耐心地解釋：「美國做得北美自由貿易協定，就冇理由唔俾我哋做，如果唔係中國咪變咗世貿二等成員？」
嘩！真係估唔到香港提議的這個自由貿易協議肩負咁大責任，影響中華民族的國際地位，咁以後港人可以大條道理爭取，唔怕俾人話係搵着數。


E-mail：[email protected]