所謂人走茶涼，冷暖自知，前保安局局長葉劉淑儀辭職後人氣反彈，連北大人都要邀請佢上京話別，反觀前財政司司長梁錦松交咗個波畀葉澍堃後就蟄伏不出，唔似得葉太咁忙碌，八方都唔多覺有乜政圈中人同佢farewell，可能大家想留番多啲時間畀佢留喺屋企做家長湊女，唯一「記得」同佢搞送別會嘅係民建聯，據聞已經約咗下個月七號食飯。
阿松在位時，同民建聯拍住上各取所需，好似一聲要搞本土經濟，即刻就多咗幾個大笪地，今次請佢食餐飯算係好頭好尾咁話，至於其他政黨就未有乜嘢動靜「送別」阿松，民主黨不屑搞，自由黨田少話好多黨友暑假外遊，連幫葉太搞歡送會都唔得，阿松更唔在講啦，佢話遲啲齊人先考慮搞個聚會喎。


傳真︰2623-9278
電郵︰[email protected]