憑熱播韓劇《鬼怪》而人氣急升嘅男星孔劉，今晚喺香港亞博館舉行粉絲見面會，係佢首次喺香港開騷見港迷。

孔劉出場後同主持人森美傾偈時，率先公開咗自己嘅童年照，係Oppa小時候着住泳褲喺水中嘅相。Oppa笑言自己細個已經好唔同，識喺水上行。Oppa又指自己細個已經游水，所以依家膊頭寬，並提到自細已經好好動，又曾經喺棒球場做兼職。

森美就問台下粉絲想唔想睇Oppa着泳褲時嘅相，台下粉絲立即尖叫不已，Oppa又好自豪咁話：「我知我啲粉絲鍾意我唔多着衫！」認真搞鬼。Oppa又表示唔會想特別返番去以前，因為依家已經好開心：「放假時會跟經理人及工作人員去打籃球，打籃球同游水最叻。」又自己讚自己打籃球係選手水平。