魔鬼兄，

近日是否勁忙？聖母院單嘢，係咪你幕後指揮？凡人何其渺小，上帝與魔鬼，兩者皆不可欺啊對不對。但斯里蘭卡的連環爆炸，聖堂變屠場，真是過了火位。魔兄，有冇人叫過你收手？如果無聊得滯，學吓宇宙最閒那位失業大叔，玩吓fb加入乜春群組過日辰就好，千祈唔好寫信給我。上帝感召呢個term，已經被班fan取笑到我面青。好衰唔衰，那位最閒大叔的投訴信，明明話寄給入境處，但send了過來我枱頭，我那張本來整潔過鬍鬚曾的辦公桌，即時給污染了，屌！那封信大概是說，要入境處沒收某位佢睇唔順眼的香港人的身份證，等對方無家可歸。封信我已附件給你過目，聞說呢輪有人諮詢過閣下，呢位大叔的死期，結果你借語音系統把口，洩露了天機。之後點解又會restart呢就要魔兄你陳述一下。喔，唔係連閣下都「壞咗」係嘛？而剛過去的復活長假，香港雷電交加風雲變色，我每天撐傘也濕身！魔兄，全球入魔化，個地盤肯定係你嘅，唔使再擴張搞一魔一路呢啲好嗎？信仰？人云亦云，搵食啫！封信我刻意用google翻譯，你我剛好在香港，應該幾啱嘴形。願閣下緊守崗位，恥與毒蛾為伍，早日搵返靈魂。

弟兄God謹上