有線娛樂新聞台昨晚在風雨聲中，照樣於銅鑼灣時代廣場舉行隆重的啟播典禮，請來成龍任主禮嘉賓，吳君如、應采兒、Beyond、張文慈及向華強夫婦等都有出席。
有線電視節目部執行董事徐小明被問到無綫對違規合約歌手採取強硬態度時說：「我諗唔可以話針對我哋，藝人同一間機構簽咗合約嘅話，就要尊重合約精神，個機構同主理人有咁嘅反應係可以理解。但我哋今日開台，講句恭喜咪得囉，唔使沖喜咁大？
「唱片公司同經理人公司，係咪應該考慮吓呢啲咁牢固嘅合約，簽咗之後究竟有冇宣傳機會？如果有人真係受到影響，因為違規而被解約，我哋可以考慮開多條音樂頻道畀佢哋發展。」

成龍繼續媚外
成龍表示經常接受外國記者訪問，但不太喜歡接受香港傳媒訪問：「因為香港記者成日講明星唔好嘅嘢，但荷李活記者就如實報道。」若荷李活記者問到成龍的緋聞，他說：「照寫，如實報道。」吳君如即幽成龍一默：「咁龍嫂嘅嘢？」成龍回答：「你講㗎！」
採訪：何永寧、陳梅香
攝影：陳偉權、陳慧安