抗拒與吳浩康、莊思敏扯關係
胡定欣讚馬國明條件好

蘋果日報 2009/03/08 00:00


曾志偉、胡杏兒、高海寧、李彩華與緋聞男友、仁愛堂總理王傲山等前晚在灣仔出席仁濟晚會,吳浩康(Deep)新歡舊愛又再同場碰頭,其現任女友莊思敏與前度女友胡定欣去年展開罵戰,兩人前晚多次近距離路過,互當透明,叫兩人合照,兩人即異口同聲拒絕。胡定欣說:「我嚟做嘢㗎,我哋都唔識,我想將08年唔開心事抹晒去,09年唔想再同呢兩個人嘅名扯上關係。」
故定欣更不諱言寧願與被指「一吻傾情」的緋聞對象馬國明拉埋,她說:「佢喺公司口碑好,當家小生,條件又好,係好同事,真假都唔怕,因為寫嘅對象好,我唔介意。」
empty
寧戀馬國明(小圖)也不願與吳浩康莊思敏扯上關係的胡定欣,在仁濟晚會台上唱歌及表演拉丁舞。
empty
吳浩康女友莊思敏(右)與吳浩康舊愛胡定欣(箭嘴示)同場,互不理睬。
Deep抗毒有定力
莊思敏則謂不會打招呼,她說:「你會唔會同啲唔識嘅人打招呼?眼神交流都會!」關楚耀同衞詩涉嫌藏毒在日本被拘留,吳浩康曾經藏毒,莊思敏謂阿Deep是將功補過的好例子:「係呀,重新做人囉,佢𠵱家清白,好亁淨!」無再受引誘?她說:「佢身邊有啲人仲有呢啲習慣,但佢好有定力,都知錯。」她謂男友不與此類人接觸太多:「可免則免,太沉迷嘅朋友,都會疏遠囉。」
採訪:羅慧敏 攝影:陳慧安
empty
曾志偉與穿迷你裙的一班sing之天使齊齊捧場。