當年今日

投資通勝:賭波求贏 簡單就是美 - 蘋果波神

蘋果日報 2006/10/13 00:00


「簡單就是美」,賭波一樣可以做到,當然賭波賠率不及賭馬,但勝在有路捉;一個賽日揀一、兩個全日鋼膽,絕對比跑馬易贏得多。
足智彩將在明天起喺指定直播賽事提供「半場主客和」及在中場時段接受全場「入球大細」投注;莊家搞咁多「花臣」,無非𠱁你買多注,個人係堅信長賭讓球盤有路捉嘅信徒,對上述新項目興趣真係唔大。
馬會新玩法「嘥氣」
半場主客和即係將半全場簡單化,淨博半場;之前都講過,你諗住一啲大熱W贏梗,貪多十多廿個巴仙,結果隊波半場和波或者落後,但下半場發力大勝,你必然氣頂唔高興。回報不高,輸咗唔開心,何必要賭呢?
至於半場賭入球大細仲勉強可以考慮,尤其係可以跟進網上文字或電視直播嗰類全場投入嘅波友,可以作對沖或者加注亦可。
周五又打番聯賽,喺度想畀大家今日投注前一啲參考:一,海牙今屆仍未打開勝門,但人腳不差,國際賽前已作客爆大冷迫和阿爾克馬爾,盤路重踏升軌;今次主場只受讓川廸平/半,大部份人會投注排前列嘅川廸。二,國際賽期間,英甲爆到七彩,上一輪12場波,作客球隊錄得6勝5和1負,這是極為罕見嘅數據,可一不可再,短期內有實力球隊主場披甲值得跟進。今日燦美爾迎戰維爾港,可博一注主W,甚至「主勝」。
文:蘋果波神