近年韓團成日去世界各地開騷、出騷，人氣直線上升外，銀包亦賺到盆滿砵滿。

近日韓媒就公佈咗一個韓國福布斯（Forbes）2014年上半年度，韓國男團財政收入TOP10嘅排行榜，當中韓流天團SJ至今就以約2.3億港元嘅高收入，暫時領先，撼贏勁敵男團BIGBANG，成為2014年上半年度嘅「吸金王」冠軍。

其實BIGBANG喺上年曾以2.1億嘅收入將SJ推落亞軍，但今年SJ喺內地起勢掘金，成員分別參與內地電視劇同節目主持之外，子團SJ-M喺年頭推出嘅中文專輯《Swing》又大受歡近，加上其他成員喺韓國亦有參與音樂劇、主持等活動，收入「集少成多」，梗係令SJ成為吸金王喇。

至於BIGBANG，雖然佢哋今年都有四圍走又開騷又出席時裝活動，不過仍然不敵SJ，以1,000萬收入之差排得第二位囉。

至於第三位就由男團BEAST以2.1億奪得，以約1,000萬之差稍勝第四位嘅野獸男團2PM。

早前來港開騷嘅CNBLUE就以約1.7億落於第五位，而出道短短兩年嘅大勢男團EXO，就以約1.7億收入，打敗一眾樂壇師兄SHINee及東方神起排第六位，而INFINITE及FTISLAND，就以約1億，排第九位及第十位。


【我撐公投】毅行直播

網頁: http://622popvote.appledaily.com