好多男人同朋友去玩，都會作大話避免畀枕邊人鬧，鄒凱光今日喺商台嘅錄音訪問，就大爆秘聞，原來好耐之前杜汶澤試過同佢去玩後，阿澤到第二朝先返屋企，老婆田蕊妮就怪鄒凱光帶壞阿澤。

鄒凱光今日就借訪問機會話：「要我夾口供唔係問題，但要事前同我講聲，我唔介意田蕊妮怪我，不過我真係無同佢玩通宵，我當晚好早就走咗。」提到阿澤，鄒凱光覺得當阿澤遇到運滯時，大家唔需要呵佢，只要繼續話佢，咁佢就會彈番起身，因為阿澤本身係好強嘅人。