當年今日

曾歷傷脊之痛大步檻過
翁虹教柏芝四招壯腰

蘋果日報 2002/01/14 00:00


張柏芝早前為仁濟表演飛車受傷,去年翁虹意外令脊骨移位,險致半身不遂,日前她以過來人身分,關心柏芝病情之餘,亦教大家四招壯腰運動。
去年三月翁虹在台灣拍劇時意外令脊骨移位,差點半身不遂,所以當她獲悉張柏芝日前為仁濟表演飛車受傷,接連胸腰的第十二節胸椎骨碎裂,起碼一個月不能走動的消息,翁虹特別感同身受。

樂觀面對
日前翁虹接受記者訪問,細訴腰傷躺病榻的辛酸,同時亦教姊妹們四招強壯腰骨的秘訣。翁虹的腰傷現已復元得七七八八,但講起躺在病牀的日子,她猶有餘悸說:「嗰陣時連大小二便都要人服侍,我嘗試自己爬去廁所,只係兩步已經用咗半個鐘,而且痛到眼淚不停咁流。我同自己講,我唔會就咁輕易打沉,所以我不停努力用樂觀嘅心態去面對呢個病。」
翁虹表示她的病叫椎間盤凸出兼內出血,形成血塊壓住神經線,因為肌肉退化,翁虹每日要做二百下掌上壓,她說:「我當然唔係一次過做,每次做十幾下。為咗令我更加有動力,每做一下我都會叫一個朋友嘅名,咁佢就會畀力量支持我去完成呢一下嘅動作。」

因禍得福
但經過今次不幸,翁虹說是因禍得福,令她明白人生有得必有失,不論對事業、愛情、家人和朋友,都有新的啟發,她說:「我同未婚夫Sammi可以話係患難見真情,佢唔單止停晒手頭上嘅工作陪住我,而且重帶咗個日本嘅特異功能人士嚟香港睇我,我同Sammi彼此更加知道有幾需要對方。」
採訪:張止寒
攝影:王光鴻
場地提供:品川日本料理