當年今日

隔牆有耳:
莫大狀珍惜假髮黑袍 - 李八方

蘋果日報 2015/07/24 00:00


大律師喺庭上除咗要着比較深色嘅西裝或者外套,仲要着黑袍同戴假髮,呢個傳統直至香港回歸後都無變。唔好睇小呢個傳統,資深大律師莫樹聯接受《金融時報》訪問時就話,香港可能係其中最後一個大律師上庭要戴假髮同着黑袍嘅司法管轄區。呢個傳統有好深厚意義,因為代表香港社會想堅守司法獨立。
戴假髮着黑袍係香港大律師嘅標準裝束,呢項源自英國法庭嘅傳統,時至今日已經150幾年。以前都有律師要求過,希望可以喺法庭上唔戴假髮,但最終唔成事。
講到𠵱家係香港回歸以來政治最動盪嘅大時代,去年發生雨傘運動,今年政改在民建聯甩轆下被否決,莫大狀話,大狀嘅假髮同黑袍唔止係傳統,係代表香港社會想維持司法獨立,好有象徵意義。