伍燕梅萬事都Lucky 4

蘋果日報 2013/12/22 00:00


【本報訊】眾所周知,告東尼平安夜生日,近兩年佢都喺牛一前田戰贏馬,今年亦唔例外。昨午他與徒弟蔡明紹攜手出擊,第二場搏輸咗大熱門「幸運日」,幸第四場憑次熱「萬事盛」補中,連續第三年數糊慶生,兩師徒一洗近期搏親都輸頹風。
四號對於一般中國人來說是不利的號碼,不過對於「萬事」系馬主伍燕梅來說,卻是Lucky Number。「萬事盛」昨日列陣第四場四班賽排四檔,伍燕梅指他在香港馬會的會員號碼是444,如此巧合,因此愛駒未跑前已經覺得有機會爭勝,如今順利贏馬,正好送給在平安夜出世的告仔一份生日及聖誕禮物。
「萬事盛」隔晚一直大熱,閘前「天笑」大注落飛取代成大熱地位,前駒回升至三倍開跑,結果順利由頭放到尾,季內兩戰A加3欄1200米排四檔全勝,馬有馬性,唔到你唔服!
其實計賽績,「萬事盛」比「天笑」更有根據,皆因後駒之前只上陣一次,不過閘前票數照樣倒水咁倒,獨贏有一注過百萬飛打入,跌到得番2.3倍開跑,可惜跑落唔算太好,拉士仲畀「藍雪山」搶埋席Q腳,大熱門僅跑第三。
empty
伍燕梅〈紅衫〉落力替萬事盛打氣,愛駒取今季第二W。
有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange