古天樂（古仔）、劉德華（華仔）及梁詠琪（GiGi）等，前晚在九龍灣趕拍賀歲片《嚦咕嚦咕新年財》，該場戲主要講述眾人參加「嚦咕嚦咕麻雀大俠爭霸戰」。
電眼加指模機
古仔最近花了三千三百萬港元，購買何文田京士柏山獨立屋，由於住址曝光，所以古仔有意加強保安，他說：「我細個見過有偷渡客跳車碌落山，新居近山好危險，媽咪話要裝電眼同指模機，如果三次指模唔啱就會自動報警。不過我怕有人貪玩，所以勸佢取消裝指模機，裝呢啲防盜設備要預成十萬蚊。」現擁四部汽車的古仔，更表示會再買一部新車，但因怕被偷而要低調處理。
梁詠琪變牛琪
GiGi近日為趕戲消瘦了不少，她說：「工作人員幫我改名叫『梁鐵人』同『梁牛』，不過我覺得『梁牛』個名好核突，或者改叫『牛琪』啦。」
以前華仔因為勤力工作，亦被冠以「牛華」的花名，華仔對此說：「我本身屬牛，冇所謂啦。」華仔亦透露下月十四日情人節將出席柏林影展。
此外，有消息指劉德華所屬的NMG唱片公司將結束唱片部門，華仔說：「我唔清楚NMG嘅流程，而且我嘅唱片係BMG發行，所以冇大影響。」
採訪：甘比
攝影：何國豪