當年今日

  田北辰搞低科技增值 - 李八方

蘋果日報 2002/05/30 00:00


好多人話香港要轉型搞高科技,不過,九鐵主席兼G2000集團主席田北辰﹙圖﹚就唱反調,話要搞「低科技行業高增值」,田二少噚日出席科大一個討論香港和珠三角未來發展嘅論壇時同八方講,要加強本港服務業嘅競爭力,最緊要有創意。
田二少話:「我好擔心僱主用系統模式去管理,令員工唔敢冒險去做有創意嘅嘢,所以員工同僱主都要有創意,最近九鐵西門子事件,我都係話要令下層員工有多啲主意,但有主意可能有時會有小錯失,僱主要承受得到。」佢又話犯錯反而係最易學到嘢。田二少又讚香港人識執生、諗嘢快、反應快、眉精眼企,有啲嘢唔使上頭落「柯打」都識應變,但最唔好就係唔肯放低屋企到外地發展。


傳真︰2623-9278
電郵︰[email protected]