關心老友反而收Warning 㷫
馮仁昭四圍超：梁炳、安仔同台互睥冇偈傾
蘋果日報 2003/07/29 00:00
許志安、梁漢文（梁炳）同盧巧音等前晚喺灣仔會展，演出「SonyNETMD903四方音樂會」。日前安仔話要出warning要求所有老友，唔好再公開講佢嘅感情事，似針對成日俾人問安仔感情嘢嘅梁炳。
之後梁炳有啲唔高興咁話：「以後唔講人哋嘢，我唔講安仔，講Eason（陳奕迅），Eason隨和啲。」
力撐蘇永康
馮仁昭當時已經覺得佢兩兄弟有啲唔妥，點知前晚喺音樂會度，佢兩個同台時只互睥一眼，冇傾偈又冇打招呼，同以前嘅老友樣差好遠。
兩個返入後台，又各有各做訪問，要求佢哋合照，助手就以喺台上影咗為由拒絕。之後梁炳被問到蘇永康婚變傳聞時話：「唔好問我，總之我有關心佢啦，費事又有人出warning呀。」梁炳重力撐康仔唔係大使嘅人，佢話：「佢都有工作，唔係咬老軟㗎。」
左慧琪食雪糕不停口
左慧琪同黃宇詩噚日喺西貢，拍攝無綫新劇《心慌心郁逐個捉》。左慧琪着件小背心加短褲，重露出腰間紋身㖭！
噚日拍嘅劇情講佢哋要學玩風帆，兩個靚女重不停食雪糕，左慧琪話：「因為要連戲，我先可以有機會一口氣食三個雪糕筒。我平時好少食，怕食完會好口渴。」
之後梁炳有啲唔高興咁話：「以後唔講人哋嘢，我唔講安仔，講Eason（陳奕迅），Eason隨和啲。」
馮仁昭當時已經覺得佢兩兄弟有啲唔妥，點知前晚喺音樂會度，佢兩個同台時只互睥一眼，冇傾偈又冇打招呼，同以前嘅老友樣差好遠。
兩個返入後台，又各有各做訪問，要求佢哋合照，助手就以喺台上影咗為由拒絕。之後梁炳被問到蘇永康婚變傳聞時話：「唔好問我，總之我有關心佢啦，費事又有人出warning呀。」梁炳重力撐康仔唔係大使嘅人，佢話：「佢都有工作，唔係咬老軟㗎。」
左慧琪同黃宇詩噚日喺西貢，拍攝無綫新劇《心慌心郁逐個捉》。左慧琪着件小背心加短褲，重露出腰間紋身㖭！
噚日拍嘅劇情講佢哋要學玩風帆，兩個靚女重不停食雪糕，左慧琪話：「因為要連戲，我先可以有機會一口氣食三個雪糕筒。我平時好少食，怕食完會好口渴。」
楊千嬅、鄭中基、梁漢文同何韻詩近日合唱新歌《火紅火熱》，日前佢哋喺舊機場跑道拍MV，拍足二十個鐘，又唱又跳。
千嬅同阿詩唔嫌辛苦，笑住話乘機減肥。着住件皮衫嘅阿詩重俾鄭中基同梁漢文取笑，話佢似漢堡神偷，不過佢冇嬲，反而擔心熱到生熱痱。
歐陽海璇噚日喺中環，出席由性感女星楊嘉雯（左）父母開嘅越式茶餐廳開幕禮。白韻琴早前爆港姐要陪瞓先有獎，曾選亞視女優嘅璇璇話：「我以前冇呢啲嘢，有都冇所謂啦！最慘係做完又唔紅，黑又唔黑。」而楊嘉雯就話：「一方肯做，一方接受咪得囉！」
薛家燕噚日去到天水圍替一間餅店剪綵，家燕姐話呢間餅店除咗請佢做月餅代言人外，重會喺佢有份主演嘅處境劇《皆大歡喜》入面賣廣告。
家燕姐話：「𠵱家政府改例，容許劇集入面賣廣告，所以多咗好多贊助商。」佢笑言無綫多咗廣告收入，係咪應該出番多少花紅畀劇中呢班義務代言人喎！
使唔使咁high呀？
許志安
許志安
Cookies成員之一的Kary（左三）前晚沒有化妝，以真面目睇音樂會。
左慧琪
鄭中基（右一）、何韻詩（左一）
歐陽海璇
薛家燕