王菲、梁朝偉、趙薇及張震昨日出席在奧海城舉行的「《天下無雙》唱好姻緣桃花會」宣傳活動，王菲提及女兒竇靖童（童童）日前接受過《忽然1周》訪問時，顯得頗為激動，更表示童童沒有接受過任何傳媒的訪問。
「最多講hello」
王菲昨日未待記者問完有關童童接受訪問的提問時，已急不及待說：「我要澄清，童童並無接受過任何訪問，佢同記者傾偈，最多講句hello，唔會講咁多嘢。」
王菲續道：「佢係圈中人家屬，唔需要株連九族，三番四次咁去騷擾佢，退一萬步，更唔應該喺一個五歲嘅小朋友身上作嘢，呢件事對我嚟講真係唔應該。」
談霆鋒即面黑
對於為何替童童轉校，王菲則說：「我諗傳媒可唔可以犧牲啲利益，放棄讀者嘅好奇心，畀一個小朋友開心成長？我唔知將來會發生乜事，會唔會同學校投訴？同學校投訴冇用，防不勝防，小朋友唔知驚。童童同記者傾偈有可能咩？」
當問到有關其男友謝霆鋒接受港台訪問時，表示對女友絕對專一，王菲面露不悅說：「唔好問呢啲問題，今日係電影宣傳。」
趙薇fans熱情
此外，昨日的活動吸引了數百人圍觀，當中以趙薇的fans最熱情，帶備橫額支持偶像。而兩位女星則在偉仔及張震開路下，坐上中式頂轎進場，趙薇坐轎時顯得有點慌張，但仍不忘與fans打招呼。
不過由於現場一度出現混亂，趙薇顯得有點不悅，而問到她面對混亂環境可會擔心有人會搞事？她說：「不會，fans都是見慣的。」
採訪：魯萍 攝影：陳慧安