做記者有時都幾慘，八方日前約咗港交所主席李業廣做訪問，帶同攝影記者到中環機鐵站樓上的國際金融中心，未到電梯大堂，已被守衞截住，要求道明所去層數，以及所找何人，大廈接待處要先核實才放行。眼見速遞員及送外賣者都可自由進出，反而背着相機的便成為針對對象，實在氣憤。
據接待處的姐姐講，由於試過有記者滋擾該大廈租戶，故對手持相機的人士特別提防。其實要回應這種歧視記者的做法，日後大可以先用袋收起相機，再大模斯樣行入國金中心，便能過關，但這只是鬥氣做法，八方反而想問，可否告佢歧視記者呢？記協有乜嘢跟進呢？


E-mail：[email protected]