葉劉淑儀上京同中央官員話別，都被指係佢將來仕途嘅伏線。曾經做過佢上司嘅前任政務司司長陳方安生，就繼續佢退休後嘅閒適生活，噚日同個女陳慧玲喺中環CafeLandmark歎下午茶，兩母女傾咗成個鐘先走。問陳太贊唔贊成葉太辭職？陳太笑笑口咁話：「你知我唔會答㗎。」咁有冇打過電話同葉太傾吓？陳太都係搖搖頭。
有傳葉太係下屆政務司司長甚至特首嘅熱門人選，陳太就話：「等住嚟啦。」不過佢對葉太就高度評價，「佢好能幹，做嘢有幹勁，係一個叻女。」葉太話佢離任其中一個原因係要照顧個女，陳太就話：「為咗個女都好應該，佢好錫個女㗎嘛。」
（圖）陳太噚日同個女喺中環hightea。


傳真︰2623-9278
電郵︰[email protected]