黎明和劉德華將會在《翡翠歌星賀台慶》同台演出，昨日黎明出席記者會時說：「同華仔喺台慶節目會同台表演乜，我想保持秘密，免得觀眾期望過高，搞到我鬼死咁大壓力。」

問黎明跟華仔關係是否已「破冰」？他笑說：「連火山都破埋啦！邊有破冰？我同華仔都冇嘢，不過我都好耐冇見佢，除咗台慶日會見吓，平時都好少見到。」
問黎明今年竟破例為無綫台慶表演，是否為了旗下歌星爭獎？他說：「唔係！」至於有報道指楊千嬅正考慮會過檔他的唱片公司或自組唱片公司，黎明回應說：「千嬅嘅事，你哋係問番佢本人比較好，你哋一時話我係金句王，一時又話我係先知，唏！我都唔知答得你哋邊樣好。」