陶喆是家中獨子，在香港出生，到台灣小住了兩年後隨父母移居美國。出身於音樂世家的他，雙親均大有來頭，爸爸陶大偉是著名音樂人，身兼演員、歌手和主持三職，而母親王復蓉則是台灣京劇名旦，陶喆繼承了雙親的音樂才華，甫出道已鋒芒畢露。
外表斯文的陶喆，童年時竟是一名小惡霸，經常打同學，常遭班主任投訴，有次更過份得打女同學，一切都怪他當時太受歡迎了。

陶喆笑說：「唔知點解，讀小學嗰陣我好受女同學歡迎，好多女仔鍾意圍住我，有好多仲會傳小紙條畀我，啲紙仔真係多到連褲袋都袋唔晒！」
身為班中萬人迷，陶喆難免感到飄飄然，還經常命令其中一位女同學為他拿飲品，一次終於點出個禍來。陶喆笑說：「有一日我又order嗰個女同學攞杯牛奶畀我，點知佢唔忿氣，好大力咁放低杯奶，仲彈到我成身都係，於是我咪郁手打咗佢一下囉！佢就扯我頭髮還擊。」

小時候的陶喆除了孔武有力之外，原來蠱惑招也不少。有一次母親要懲罰他打手板，他竟然反問母親會用甚麼刑具，陶喆解釋：「當媽咪話畀我知佢會用間尺打我時，我就同佢講我有一把，之後自己偷偷整裂把尺，到媽咪一打落嚟嗰陣把間尺就斷咗，我即刻扮到好痛咁，搞到佢以為自己太用力，跟住就即時收手唔打喇！」
採訪：李珮洳
部份圖片提供：陶喆