噚日打開份《南華早報》，揭到第三版就見到個四分一版嘅大廣告，內容係恭喜恒豐金業主席林世榮得到南加州大學榮譽博士學位。八方咁八卦，梗係要睇吓係乜人咁畀面，搞到要用成幾萬銀登個廣告贈興，點知原來係恒豐金業同埋旗下嘅金至尊同埋銀河明星。
可能有人會覺得咁樣hardsell咗啲，但八方覺得，呢個世界就係咁多元化，大家品味唔同，例如林主席首創嘅金廁所同埋3D金頭像，有人會覺得「娘」，有人就話好正，搞到「金廁」所在嘅紅磡民樂街成為內地旅客必到景點，連隔籬金舖都帶旺埋。搞活經濟咁大貢獻，又真係抵佢咁高調。


傳真︰2623-9278
電郵︰[email protected]