書展今日開鑼，今年有不少新作家加入戰團，名模陳嘉容（Eunis）首次推出美容書《美麗傳說－Eunis美的經驗》，公開個人美容護膚心得。

「好似BB出世咁」
Eunis的新書請來時裝設計師鄭兆良、名攝影師夏永康等寫序言，她早前接受訪問時表示寫了數萬字，殊不輕鬆，她說：「斷斷續續寫咗兩年，啲稿有成兩吋厚，重要逐個字校對，從來未試過咁緊張，好似BB出世咁，前幾晚重要開音樂relax先瞓得着。」
Eunis又透露新書收集她出道至今的照片，包括由化妝師Zing設計的「星星眼」妝和性感天橋照，不過她認為照片數量不足，自評新書只值七十五分。她又揚言下次希望出時裝專集，並渴望男友Ricky可任攝影師拍攝封面照。
採訪：DebbieLum
攝影：JerryYan