將於今年5月喺歐洲地區推出嘅福士Phaeton豪華轎車，除估計可於2003年喺亞太區或香港市場推出外，喺上月底更成為德國總理GerhardSchroder，出席於美國紐約舉行嘅「世界經濟論壇」時嘅座駕㖭。
屬首次公開亮相嘅福士Phaeton，於會場內可謂十分矚目，而呢部特別為德國總理度身訂做嘅Phaeton，更備有多項獨有及先進嘅保安裝備，從而能夠為車上嘅乘客提供充分嘅保護；另外，呢部Phaeton更成為咗「世界經濟論壇」會議上，唯一一部非由北美地區汽車廠所製造嘅官方車輛㖭。而呢部Phaeton已於1月31日由福士主席Dr.BerndPischetsrieder，於紐約甘迺迪機場交予德國總理GerhardSchroder；如果各位對呢款咁豪華嘅Phaeton有興趣的話，就要密切留意佢喺香港嘅推出日期喇。