當年今日

搭大陸飛機唔准調位

蘋果日報 2006/10/13 00:00


內地同胞啲行徑有時令人歎為觀止,就以搭飛機嚟講,架機一掂地,就聽到解安全帶啲「啪啪」聲,一停定,就即刻見佢哋踩上櫈攞行李,唔止咁,華華更見識過起飛之後喪傾手提電話嘅表叔!
唔知係咪為咗令同胞唔再成為國際笑柄,內地民航總局最近就整咗條《民用航空飛行標準管理條例》,仲交咗畀有關部門審批。
《北京晚報》話,根據呢條條例,乘客未經許何而調位;喺飛機起飛/着陸/滑行以及飛行顛簸過程中,擅自離開座位或開啓行李架,將會被罰500蚊至1萬蚊人仔不等。構成呢啲所謂違反治安管理行為,會由公安依法給予行政處罰;構成犯罪咩,仲會被依法追究刑事責任㖭。