陳可辛同吳君如向來恩愛得羡煞旁人，兩人育有現年8歲女兒陳是知，縱使早前爆出陳可辛有小三疑雲，但冇損佢哋家庭關係，尤其係對愛女關顧有加。
近日陳導演忙於開工，所以都爭取時間與吳君如兩母女見面。

噚晚君如喺微博上載咗兩張相片，成日話爸爸係女兒前世情人，所以當上父親嘅都對女兒愛護有加，相中正好見到陳可辛同是知，猶如前世情人畫面，陳可辛坐喺導演椅上，對住拍攝螢幕，亮點就係囡囡是知坐喺爸爸大腿上，陳可辛一副冇佢乎樣子，但又難以抗拒愛女嬌嗲，認真幸福！

君如就留言話：「有人說怎樣的女人最幸福而世界只有四種女人：1.生得靚，但蠢2.生得靚，又醒（目）3.唔靚，又蠢4.唔靚，但醒（目）我認為最後最成功是「靚但醒」是最幸福！陪爸爸拍戲還有坐在爸的大腿！」君如呢段說話聽落好似有啲「醋味」，連陳可辛都留言話：「你講個女定講你自己呢？」

另外，B哥哥鍾鎮濤喺微博貼咗同女兒鍾懿及鍾幗合照，適逢今日係假期，三父女開心去嘆茶，但就唔見大女鍾嘉晴喎，B哥哥踢爆大女「另有節目」，佢話：「香港今天佛誕公眾假期，帶鍾㦤鍾幗飲茶去。至於嘉晴，當然自己有節目了。」