「佢有氣有力好健康」
陳文媛、方力申信任好友

蘋果日報 2002/03/25 00:00


陳文媛 「其實我唔係好清楚成件事,所以我覺得我唔應該作出任何評論,但係我絕對唔相信陳冠希係咁嘅人,我所認識嘅佢係好健康嘅,我都會打電話畀佢了解吓。」

李心潔 「陳冠希唔似吸毒,一定唔會,身為藝人佢應該知自己做緊乜嘢。唔怪得知頭先佢細細聲同我講話心情唔好,應該係誤會嚟嘅。」

方力申 「我唔信陳冠希係咁嘅人,我同佢打波時,佢都表現得有氣有力,一個咁健康嘅人點會吸毒呀。」

吳彥祖 「佢係咪俾人整蠱呀?陳冠希嘅形象比較野性,俾人整蠱都唔出奇。我以後收fans禮物都會有啲驚,但呢啲嘢其實冇得小心。」

楊千嬅 「吓,藏毒咁大件事!我真係唔知呢件事喎,所以我唔可以作出任何批評。其實做藝人好應該小心自己嘅言行,因為每一件事都會構成好大影響。況且吸毒咁傷身,嗰啲人要保重身體呀,其實減壓可以去吓旅行,唔需要吸毒囉。」